Bugun.tv xəbər verir ki, Livan Prezidenti Cozef Aun İsraillə əldə olunan çərçivə sazişinin həyata keçirilməsinin iki ölkə arasında uzun illərdir davam edən düşmənçiliyə son qoya biləcəyini bildirib.
Ağ Evdə ABŞ Prezidenti Donald Trampla görüşən Aun qeyd edib ki, Livan razılaşmanın bütün müddəalarına sadiqdir. O, həmçinin Trampa Livanda və bütövlükdə Yaxın Şərqdə sabitliyin təmin olunması istiqamətində göstərdiyi səylərə görə təşəkkür edib.
Məlumata görə, ABŞ-ın vasitəçiliyi ilə Vaşinqtonda keçirilən beş raund danışıqlardan sonra Livan və İsrail iyunun 26-da çərçivə sazişi imzalayıblar.
Sazişə əsasən, Livan ordusu mərhələli şəkildə ölkənin bütün ərazisi üzərində effektiv suveren nəzarəti bərpa etməli, İsrail isə işğal altında saxladığı ərazilərdən qoşunlarını çıxarmalıdır.
Tərəflər hesab edirlər ki, razılaşmanın tam icrası sərhəddə gərginliyin azalmasına, təhlükəsizliyin möhkəmlənməsinə və regionda uzunmüddətli sabitliyin təmin olunmasına töhfə verə bilər.
Mənbə: TASS