23 C
Baku
22 İyul 2024, 2:13
Dünya

Liviya və Tunis arasındakı sərhəd qapısı yenidən açılıb

Liviya hökuməti ilə Amaziqlər arasındakı qarşıdurma səbəbindən 3 aydan artıqdır bağlı olan Liviya ilə Tunis arasındakı Ras Cedir Sərhəd Qapısı yenidən açılıb.

Sərhəd qapısının açılışında açıqlama verən Liviyanın daxili işlər naziri İmad ət-Trablusi Tunis və Liviyanın Ras Cedir Sərhəd Qapısını iki ölkə arasında qüvvədə olan qanunlar çərçivəsində açmağa razılaşdıqlarını bildirib.

Tripoli, “Ras Cedir Sərhəd Qapısında çalışan bütün keçmiş səlahiyyətlilər dəyişdirildi və sərhəd qapısında yalnız Liviyanın rəsmi polis qüvvələri olacaq” deyib.

Həmçinin Tunis ilə ölkəsi arasında sərhəd qapılarının sayını ikidən dördə qədər artırmağı planlaşdırdıqlarını qeyd edib.

Liviya Daxili İşlər Nazirliyi, qaçaqmalçılığın qarşısını almaq və təhlükəsizliyi təmin etmək üçün martın 19-da silahlı bir qrupun Ras Cedir Sərhəd Qapısına göndərilən təhlükəsizlik qüvvələrinə hücum etdiyini, daha sonra isə sərhəd qapısının bağlandığını açıqlayıb.

Nazirlik Ras Cedir Sərhəd Qapısının iyunun 20-də iki ölkə vətəndaşlarının keçidinə açılacağını açıqlasa da, lazımi prosedurların tamamlanmadığı üçün açılışın təxirə salındığını bildirib.

Mənbə: İLKHA

Kəmalə Sultan

Oxşar xəbərlər

Saxlanılan 5 ABŞ vətəndaşı ev dustaqlığına buraxıldı

Bugün TV

Gecə döyüşləri şiddətləndi – VİDEO

Aynur Camal

Prezident Ərdoğan Zelenski ilə danışdı

Kəmalə Sultan

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu