Baş xəbərDünya

Londonda Fələstinə dəstək nümayişində on minlərlə insan iştirak etdi

Bugun.tv xəbər verir ki, İngiltərənin paytaxtı Londonda Fələstinlə həmrəylik nümayiş etdirmək üçün toplaşan on minlərlə insan polisin sıx təhlükəsizlik tədbirləri altında Baş nazirliyə doğru yürüş edib. İsrailin mühasirəsinə və Qəzzaya hücumlarına etiraz etmək istəyən on minlərlə Fələstin tərəfdarı günorta saatlarında paytaxtın simvol yerlərindən biri olan Oksford küçəsindəki Mərmər Archda toplaşıb.

TRT Haber-in məlumatına görə, ölkədəki bir çox qeyri-hökumət təşkilatının çağırışı ilə Fələstinlə həmrəylik aksiyasına qatılan nümayişçilər, İsrailin Qəzzaya hücumlarının dayandırılması, dərhal atəşkəs və humanitar yardım materiallarının Qəzzəyə tam şəkildə daxil olmasına icazə verilməsini istəyib. Əllərində “Qəzzada soyqırım var”, “İşğala son”, “Atəşkəs indi” yazılı plakatlar daşıyan və “Fələstinə Azadlıq” şüarları səsləndirən nümayişçilər daha sonra Mərmər Tağıdan Baş Nazirliyə doğru yürüş ediblər. Polisin geniş təhlükəsizlik tədbirləri altında keçirilən yürüşdə iştirak edənlər İngiltərə hökumətinin İsrailə verdiyi dəstəyə də reaksiya verib. Fələstin tərəfdarı nümayişçilər İsrailin törətdiyi müharibə cinayətlərində şərik olmaqda ittiham etdikləri Britaniya hökumətinə də etiraz ediblər. Digər tərəfdən İngiltərə daxili işlər naziri Suella Bravermanın oktyabrın 11-də ölkədə bəzi hallarda “Fələstin bayrağının dalğalanması qanuni olmaya bilər” açıqlaması nümayişçilərin minlərlə Fələstin bayrağı ilə yürüşə qatılmasına mane ola bilmədi. Yürüşdən sonra Baş nazirin 10 saylı ofisinin yerləşdiyi Dauninq küçəsində qurulan platformada çıxışlar ediləcək.

Müxbir: İntizar Əmirova

Bugün TV

Oxşar xəbərlər

ABŞ-ın Florida ştatında helikopter qəzaya uğradı

Teymur Əziz

Oğurlanmış kimi bir məktub qoyub atasından fidyə istədi 

Kəmalə Sultan

Ananasın insan orqanizminə faydaları çoxdur

İntizar Əmirova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu