Dünya

Məktəbə meyvə bıçaqlı hücum: 2 ölü, 10 yaralı

Çinin cənubundakı Tszyansi əyalətində ibtidai məktəbə bıçaqlı hücum nəticəsində 2 nəfər ölüb, 10 nəfər yaralanıb. Hücum yerli vaxtla günorta saatlarında Quixi şəhərindəki məktəbdə baş verib.

Polis hücumun meyvə bıçağından istifadə edən 45 yaşlı qadın tərəfindən törədildiyini açıqlayıb. Polisin sosial şəbəkədə verdiyi açıqlamada təcavüzkarın tutularaq nəzarətə alındığı bildirilib.

Hadisə nəticəsində 2 nəfər ölüb, 10 nəfər yaralanıb. Onların arasında tələbələrin olub-olmadığı bildirilməyib. Hücumdan xəbər tutan valideynlər məktəbə axın edib.

Çin son aylarda çoxsaylı bıçaqlı hücumlara səhnə olub. May ayında ölkənin cənubundakı Yunnan əyalətindəki xəstəxanada bir nəfər iki nəfəri bıçaqlayaraq öldürmüş, 21 nəfəri yaralamışdı.

Keçən ilin avqustunda Yunnan əyalətində bir yaşayış massivində ruhi xəstəlikləri olan bir şəxsin insanlara bıçaqla hücumu nəticəsində 2 nəfər ölüb, 7 nəfər yaralanıb.

Həmin ilin iyul ayında cənub-şərqdə yerləşən Quanqdonq əyalətində uşaq bağçasında bıçaqlanma nəticəsində üçü uşaq olmaqla altı nəfər ölüb.

Mənbə: Haber Global

Aynur Camal

Oxşar xəbərlər

London-Sinqapur təyyarəsində dəhşət!

Aynur Camal

Floridada “İdalia” tropik qasırğası nəticəsində 2 nəfər öldü

Bugün TV

Peskov: “NATO və ABŞ dolayısı ilə münaqişədə iştirak edirlər”

Nigar Məmmədova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu