Dünya

Məscidə dəhşətli hücum

O, qapıları bağladı və insanları diri-diri yandırdı

Nigeriyanın Kano əyalətində məsciddə dindarlara qarşı dəhşətli hücum həyata keçirilib. Hücum edən şəxs qapıları bağlayaraq məscidi yandırıb.

Nigeriyanın Kano əyalətində bir nəfər məscidin qapılarını qıfıllayıb, benzin töküb və məscidi yandırıb. Hadisə zamanı məsciddə olan 40 nəfərdən 11-i ölüb, onlarla insan yaralanıb.

Polis 38 yaşlı təcavüzkarın həbs edildiyini açıqlayarkən, hücumun mirasın bölüşdürülməsi ilə bağlı fikir ayrılığı səbəbiylə həyata keçirildiyini bildirib.

Gewaza bölgəsində səhər namazı zamanı hücumla bağlı şahidlər, alovların məscidi əhatə etdiyini və qapıları açmağa çalışanların qışqırtılarının eşidildiyini bildirib.

Yerli mətbuatın məlumatına görə, partlayışı eşidən qonşular içəridə qalanların köməyinə qaçıblar.

Polis hücumun bomba partlaması ola biləcəyindən şübhələnərək bölgəyə bomba mütəxəssislərinin göndərildiyini, lakin hücumda heç bir bomba istifadə edilmədiyini açıqlayıb.

Səlahiyyətlilərin verdiyi açıqlamaya görə, aralarında uşaqlar da daxil olmaqla, bir çox insan hələ də xəstəxanada müalicə alır.

Mənbə: TGRT

Aynur Camal

Oxşar xəbərlər

Cənubi Koreya, ABŞ və Yaponiya ilk birgə hərbi hava təlimi keçirdi

Bugün TV

Rus əsgərləri geri çəkildi!: Ukrayna üçün 6 ayda ən böyük qazanc..

Aynur Camal

294-cü Google təşəbbüsü Google Podcasts ilə tarixə çevriləcək

Bugün TV

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu