Suriyanın mərkəzindəki Homs əyalətindəki Əli Talib məscidində cümə namazı zamanı baş verən bombalı hücum nəticəsində səkkiz nəfər həlak olub, 18 nəfər yaralanıb.
Suriyanın rəsmi agentliyi SANA-nın məlumatına görə, Homsdakı Əli Talib məscidinə əvvəllər qoyulmuş bombalar namaz qılınarkən partladılıb.
Partlayış nəticəsində 8 nəfər ölüb, 18 nəfər yaralanıb.
Hadisə ilə bağlı araşdırma başlanıb.
Türkiyə terror hücumunu pisləyir.
Xarici İşlər Nazirliyinin açıqlamasında deyilir: “Bu gün Suriyanın Homs əyalətindəki bir məscidə qarşı törədilən dəhşətli terror hücumunu pisləyirik”.
Bəyanatda həlak olanların ailələrinə, Suriya hökumətinə və xalqına başsağlığı verilib və Türkiyənin “bütün təxribatlara baxmayaraq” sabitliyini, təhlükəsizliyini, birliyini və həmrəyliyini gücləndirmək əzmində olan Suriyanın yanında olduğu mesajı çatdırılıb.
Mənbə: Trthaber.com