Hindistanın Racastan ştatında məktəbin damının uçması nəticəsində 7 şagird ölüb, 28 şagird yaralanıb.
Racastan ştatının Chalawar rayonunda dövlət məktəb binasının bir hissəsi uçub.
Polisin bildirdiyinə görə, Piplod ictimai məktəbi binasının 6-cı və 7-ci siniflərin yerləşdiyi hissəsi uçarkən təxminən 35 uşaq dağıntılar altında qalıb.
Hadisədən sonra valideynlər və müəllimlər də daxil olmaqla, çoxlu insan uşaqları dağıntılar altından xilas etmək üçün çalışıb.
İndiyədək dağıntılar altından 7 şagirdin meyiti çıxarılıb, 28 uşaq isə xəsarətlə xəstəxanaya çatdırılıb.
Yerli sakinlər məktəb binasının vəziyyəti ilə bağlı məhkəmə-tibb orqanına və rayon rəhbərliyinə məlumat verdiklərini, lakin heç bir tədbir görülmədiyini bildiriblər.
Hadisə ilə bağlı araşdırmalara başlanılıb.
Mənbə: İlkha