Macarıstanın Fundamental Hüquqlar Mərkəzinin analitiki Zoltan Koskoviç sosial mediada bildirib ki, kəşfiyyat orqanları Rusiya və ABŞ prezidentləri Vladimir Putin və Donald Trampın Budapeştdə görüşü zamanı tam təhlükəsizliyini təmin edəcəklər.
“Hər iki prezident Tramp və Putin Macarıstanda təhlükəsiz şəraitdə olacaq. Macarıstanın təhlükəsizlik qüvvələri yaxşı təlim keçib. Onlara amerikalı və rusiyalı mütəxəssislər kömək edəcək. Prezidentlərin müdafiəsi böyük əhəmiyyət kəsb edəcək”, – ekspert yazıb.
Bundan əvvəl Macarıstanın baş naziri Viktor Orban Budapeştin Rusiya və ABŞ liderləri arasında sammitə ev sahibliyi etməyə hazır olduğunu bəyan edərək, bu, sülh tərəfdarları üçün böyük xəbər adlandırıb.
Xatırladaq ki, ötən həftə Putin və Tramp ilin əvvəlindən bəri səkkizinci telefon danışığını keçiriblər. İki saat yarım davam edən söhbətdən sonra Rusiya prezidentinin köməkçisi Yuri Uşakov bəyan edib ki, Moskva və Vaşinqton dərhal Budapeştdə baş tuta biləcək dövlət başçıları arasında yeni sammitə hazırlığa başlayacaqlar. Uşakovun sözlərinə görə, Amerika lideri Macarıstanın paytaxtını təklif edib, Rusiya prezidenti isə bu ideyanı dəstəkləyib.
Mənbə: mail.ru