Macarıstanda keçirilən seçkilərdə qalib gələn Tisza Partiyasının lideri Peter Magyar ölkənin yenidən Avropaya inteqrasiya etmək istədiyini açıqlayıb.
Böyük fərqlə qələbə
Seçki qutularının 96 faizinin açıldığı nəticələrə əsasən, Magyarın rəhbərlik etdiyi Tisza Partiyası 53 faizdən çox səs toplayaraq seçkilərdə önə çıxıb. Baş nazir Viktor Orbán liderliyindəki Fidesz Partiyası isə 37 faiz səviyyəsində qalıb.
“Macarıstanı azad etdik”
Paytaxt Budapest şəhərində tərəfdarlarına müraciət edən Magyar bildirib:
“Seçimi Tisza və Macarıstan qazandı. Həm də böyük fərqlə. Birlikdə ölkəmizi azad etdik”.
Demokratik dəyişiklik və islahatlar vədi
Magyar qeyd edib ki, yeni hökumət ölkədə demokratik dəyişiklikləri sülh yolu ilə həyata keçirəcək. O, daha yaxşı səhiyyə, təhsil və sosial bərabərlik istiqamətində addımlar atılacağını vurğulayıb.
Xaricdə yaşayanlara çağırış
Magyar, son illərdə ölkəni tərk edən yüz minlərlə vətəndaşa müraciət edərək onları geri dönməyə çağırıb:
“Macarıstanın bütün övladlarına ehtiyacı var. Evə qayıdın”.
Mənbə: TrtHaber