Meksikanın Mexiko ştatının məhkəməsi 2014-cü ildə Gerrero ştatında 43 tələbənin yoxa çıxması ilə bağlı onlarla hərbçi və polis əməkdaşının həbsinə icazə verib.
Bu xəbər ölkənin Baş Prokurorluğunun dərc olunmuş məlumatında deyilir.
Ümumilikdə, 23-cü və 41-ci ordu batalyonlarının 20 zabit və əsgəri, Guerrerodakı icra və məhkəmə orqanlarının beş nümayəndəsi, Huitsukodan 26 polis, İqualadan altı və Kokuladan bir polis məmuru, həmçinin 11 Guerrero polisi və “Guerreros Unidos” cinayətkar qrupunun 14 üzvü haqqında 83 həbs qərarı var.
Onlar adam oğurluğu, işgəncə, qətl, ədalət mühakiməsinə mane olmaq və mütəşəkkil cinayətdə iştirakda ittiham olunurlar.
Artıq ölkənin keçmiş baş prokuroru Xesus Murilo Karam Meksikada saxlanılıb. O, həmçinin 2014-cü ildə Gerreroda baş vermiş hadisələrin istintaqı ilə bağlı bir sıra cinayətlər törətməkdə şübhəli bilinir. Karam prokurorluğa 2012-ci ilin dekabrından Enrike Penya Nietonun Meksika prezidenti olduğu 2015-ci ilin fevralına qədər rəhbərlik edib.