Bugun.tv xəbər verir ki, İtaliyanın şimalındakı Milanda 1763-cü ildən bəri ən yüksək temperatur qeydə alınıb.
Şimal yarımkürəsində istilik dalğalarının təsiri davam edir. İtaliyada fəaliyyət göstərən Regional Ətraf Mühitin Mühafizəsi Agentliyi (ARPA) İtaliyanın şimal bölgələrində yerləşən Milan şəhərində 1763-cü ildən bəri temperatur rekordunun qırıldığını açıqlayıb.
Açıqlamada temperaturun 33 dərəcəyə yüksəldiyi və bu rekordun son rekordunun 11 avqust 2003-cü ildə 32,8 dərəcə Selsi olduğu bildirilib.
İtaliyanın Lombardiya bölgəsindəki bəzi şəhərlərdə 22-23 avqust tarixləri arasında termometrlər 40 dərəcə isti göstərib.
Açıqlamada, intensiv və anormal temperaturların İtaliya Alp dağlarına da təsir etdiyi, gələn həftədən etibarən temperaturun 10-15 dərəcə azalacağı, tufanla müşayiət olunan şiddətli yağışların müşahidə ediləcəyi bildirilib.