113 saylı Qax-Şəki seçki dairəsindən deputatlığa namizəd Teymur Əzizovun təbliğatı davam edir
Teymur Əzizov seçiciləri ilə görüşlərini davam etdirir. O, seçicilərinə vədlər verməkdən çox, onların hüquqlarının qorunmasına önəm verdiyini vurğulayır.
Namizəd sosial şəbəkə üzərindən seçicilərinə xitab edib:
Hörmətli seçicilərim, görüşlərdə qeyd etdiyim kimi, bir daha buradan hər birinizə deyirəm ki, mən sizə yol, qaz, su çəkdirmək kimi vədlər vermirəm. Məqsədim seçicilərimin, vətəndaşların hüquqlarının müdafiə olunmasıdır. Sizi narahat edən hər bir problem Milli Məclisdə müzakirə olunmalıdır. Bəli, əgər bir kəndin qazı yoxdursa, içməli su problemi varsa, yollar bərbad haldadırsa, bu, artıq vətəndaş hüquqlarının pozulması deməkdir.
Namizəd qeyd edir ki, əsas hədəflərdən biri Qax rayonunda turizimin inkişafıdır və bunun üçün infrastruktur problemlərinin həlli vacibdir. O, seçicilərinin səsi olmaq və onların problemlərini birlikdə həll etmək üçün namizədliyini irəli sürdüyünü bəyan edir.
Qeyd edək ki,Teymur Əzizov 1984-cü ildə Mingəçevir şəhərində anadan olub, əslən Qax rayonunun Qaşqaçay kəndindəndir. “İDEAL” Gənclər İctimai Birliyinin sədri olduğu dövrlərdə “Mən azərbaycanlıyam”, “Narkomaniyaya yox deyək!”, “Fiziki məhdudiyyəti olan uşaqlara qayğı”, “Vətəni qoruyaq, Dövləti sevək” və s. layihələri həyata keçirib. Hüquqşünasdır, ailəlidir, bir övladı var.