Alimlər Misirin Nil deltası ərazisində yerləşən Tell el-Fara’in (Fironlar təpəsi) ərazisinin altında qədim və sirli bir tikili aşkar ediblər.
Tədqiqatçılar müasir texnologiyalardan – radar və elektrik tomoqrafiyası üsullarından istifadə edərək yerin 3–6 metr dərinliyində yerləşən strukturu müəyyən ediblər. Məlumata görə, bu tikilinin təxminən 2600 il yaşı var və qədim Misirin saiss dövrünə aid olduğu ehtimal edilir.
Araşdırmalar göstərir ki, ərazinin üst qatları daha sonrakı dövrlərə – Roma və Ptolemey dövrlərinə aid keramika və tikinti qalıqları ilə örtülüb. Lakin daha dərin qatlarda aydın konturları olan böyük bir quruluş aşkar olunub. Alimlər bu tikilinin ya böyük bir məzar, ya da dini məbəd ola biləcəyini ehtimal edirlər.
Sonrakı kiçikmiqyaslı qazıntılar zamanı xam kərpicdən tikilmiş divarlar və müxtəlif dini əşyalar tapılıb ki, bu da ilkin ehtimalları gücləndirib.
Tədqiqatçılar bildirir ki, bu kəşf həm qədim şəhərlərin öyrənilməsi, həm də arxeologiyada yeni texnologiyaların tətbiqi baxımından mühüm əhəmiyyət daşıyır. Gələcəkdə daha geniş araşdırmalar aparılaraq ərazinin tam xəritələnməsi planlaşdırılır.
Mənbə: mail.ru