“Rusiyaya qarşı qoyulan sanksiyalar, dəfələrlə maliyyəsinin dondurulması və bloklanması tamamilə qeyri-qanunidir, kommersiya və beynəlxalq hüququn ümumi qəbul edilən standartlarını pozan tədbirlərdir”- bunu Rusiya Xarici İşlər Nazirliyinin sözçüsü Mariya Zaxarova vurğulayıb.
O bildirib ki, Estoniya da daxil olmaqla, dost olmayan ölkələr Rusiyanın dondurulmuş aktivlərindən öz məqsədləri üçün istifadə edənlər Moskvanın adekvat cavabı ilə qarşılaşacaq.
“Biz qeyri-dost ölkələrin, Rusiya vəsaitlərini öz siyasi məqsədləri üçün istifadə etmək planlarını yalnız suveren mülkiyyətə kobud təcavüz kimi qəbul edirik. Bu, müasir qlobal maliyyə arxitekturasının bütün iştirakçılarına Qərbin bir sıra ölkələrinin geosiyasi reallıqlardan asılılığını nümayiş etdirir” – Zaxarova qeyd edib.
“Biz milli mülkiyyətimizin qorunması üçün qəti addımlar atmağa və müəyyən kompensasiya tədbirlərini hüquqi mexanizmlərdən istifadə edərək tətbiq etməyə hazırıq”- diplomat əlavə edib.
Mənbə: TASS