Bugun.tv xəbər verir ki, Rusiyanın paytaxtı Moskvada konsert zalında törədilən terror aktı nəticəsində ölənlərin sayı durmadan artır. Artıq 60-dan çox insanın öldüyü, 100-dən çox yaralanın olduğu bildirilir.
Qeyd edək ki, terror təşkilatı DEAŞ hadisəni üzərinə götürüb. Hücumla əlaqəsi olduğu iddia edilən 2 nəfər saxlanılıb. Ekspertlər hadisə baş verən konsert zalında istintaq işlərini davam etdirirlər. Hadisə yerində silah və sursat daxil olmaqla bütün sübutların ələ keçirilib. Genetik, ballistik və barmaq izi müayinələri aparılır. Bütün kamera görüntülərinin götürülərək araşdırıldığı bildirilir.
Rusiya İstintaq Komitəsi Moskvada törədilən terror aktında ölənlərin sayının artacağını vurğulayıb.