Rusiyanın paytaxtı Moskva da daxil olmaqla bəzi şəhərlərə pilotsuz uçuş aparatı (PUA) hücumu həyata keçirilib. Rusiya Müdafiə Nazirliyi “Ukraynanın terror hücumu cəhdinin” qarşısını aldıqlarını açıqlayıb. Ukrayna Rusiyanın paytaxtı Moskvaya ən böyük pilotsuz təyyarə hücumunu həyata keçirib. Ən azı 34 pilotsuz uçuş aparatının (PUA) hədəf aldığı Moskva və bir sıra şəhərlər təyyarə tipli PUA-larla vurulub. Rusiya Müdafiə Nazirliyinin açıqlamasında bildirilir ki, “Moskva vaxtı ilə saat 07.00-10.00 arasında Kiyev rejiminin Rusiya Federasiyası ərazisindəki obyektlərə təyyarə tipli PUA-lardan istifadə etməklə hücum cəhdinin qarşısı alınıb”.
Açıqlamada Rusiya hava hücumundan müdafiə sistemlərinin 34-ü Moskva, 14-ü Bryansk, 7-si Oryol, 7-si Kaluqa, 6-sı Kursk və 2-si Tulada vurulan 70 Ukrayna PUA-nı məhv etdiyi bildirilib. Həmçinin bildirilib ki, gecə yarısı Ukraynaya məxsus 23 PUA vurulub, onlardan 17-si Bryanskda, 3-ü Rostovda, 2-si Belqorodda, biri isə Kursk vilayətlərində olub.
Moskva meri Sergey Sobyanin sosial media hesabından verdiyi açıqlamada Moskvaya doğru uçan PUA-ların vurulduğunu, Ramenki bölgəsində məhv edilən PUA-ların hissələrinin heç bir dağıntı və can itkisinə səbəb olmadığını bildirib. Moskva vilayətinin qubernatoru Andrey Vorobyev də Stanovoye kəndində PUA hissələrinin düşməsi nəticəsində bir qadının yaralandığını və 2 evin yandığını açıqlayıb.
Bundan başqa, Moskvada uçuşlara qapalı olan Şeremetyevo, Domodedovo və Jukovski hava limanları yenidən fəaliyyətə başlayıb. Hava limanlarına gələn təyyarələr bağlı saatlarda ətraf şəhərlərə yönləndirilib.
Mənbə: TGRT