Bugun.tv xəbər verir ki, “20 Yanvar Şəhid Ailələrinin Hűquqlarının Təmin Olunması” İctimai Birliyi QHT-lərə Dövlət dəstəyi Agentliyinin maliyyə dəstəyi ilə “Müharibədən zərərçəkmiş vətəndaşların psioxoloji reabilitasiyası – səyahətlərin təşkili” layihəsini icra edir.
Layihənin rəhbəri Maral Zamanovanın verdiyi məlumata görə, layihə müharibədən zərərçəkmiş vətəndaşların, xüsusi ilə həssas qrupdan olan şəhid ailələrinin və müharibə iştirakçılarının aktivliyinin artıtılmasından bəhs edir.
İctimai birlik ilk təlimini keçirib. Təlimdə şəhid ailələri, 20 yanvar gecəsinin şahidləri, layihə icraçıları iştirak ediblər.
İctimai birlik rəhbəri Maral Zamanova çıxış edərək “Müharibədən zərərçəkmiş vətəndaşların psioxoloji reabilitasiyası-səyahətlərin təşkili” layihəsi barədə geniş məlumat verib.
Daha sonra layihənin eksperti müharibədən zərərçəkmiş vətəndaşlarımıza, həssas qruplara psixoloji dəstək olaraq onların cəmiyyətə inteqrasiyasına yardımçı olmaq, bir fərdinə çevirmək üçün belə təlimlərin vacibliyini qeyd edib.
Ekspert həmçinin vurğulayıb ki, məqsədlərə çatmaq üçün bu fəaliyyətləri həyata keçirməyi planlaşdırırlar:
Müharibədən zərərçəkmiş vətəndaşlarımız , həssas qruplarla məşğul olacaq, onların vaxtının səmərəli təşkili üçün bu gün sorğular keçiriləcək.
Aktivliklərini artırmaq üçün mühitlərini dəyişmək məqsədi ilə səyahətlər təşkil olunacaq. Şuşaya səyahət baş tutacaq.
Geniş müzakirə, sorğu şəraitində baş tutan təlimdə şəhid Allahyar Nəsibovun oğlu Səlcuq Nəsibov, 20 yanvar ictimai birliyinin sədri Sultan Əzimzadə, şəhid yoldaşı Həcər İsmayılova, Məmmədəli Şıxnəbiyev Şuşaya səyahət baş tutarsa, həqiqətən də, onların əhvalında müsbət dəyişikliklərin baş verəcəyini, dövlətimizin həssas qruplara qayğısını bir daha hiss edəcəklərini vurğulayıblar.
Aktiv müzakirədə belə təlimlərin faydalarıni qeyd edən layihə eksperti bu layihələrin davamlı olmasını arzulayıb. Təlimdə 30-dan çox iştirakçı minnətdarlıqlarını bildiriblər.
Sonda layihəyə töhfə olaraq, şəhidlərin xatirəsinə Maral Zamanova çay süfrəsi düzənləyib.