Bugun.tv xəbər verir ki, bunu Milli Məclisin Əmək və sosial siyasət komitəsinin sədri Musa Quliyev “Qaçqınların və məcburi köçkünlərin statusu haqqında” qanun layihəsinə yenidən baxılmasını istəyib. O bunu komitə iclasında çıxış edərkən deyib.
“Qaçqınların və məcburi köçkünlərin statusu haqqında” qanun layihəsinə yenidən baxılmalıdır. Hesab edirəm ki, bu zaman Qərbi Azərbaycandan olan qaçqınlar məsələsini də nəzərə almalıyıq. 44 günlük Vətən müharibəsindən və 2023-cü ilin sentyabrında həyata keçirilən antiterror tədbirlərindən sonra sözügedən qanuna yenidən baxmaq zərurəti yaranıb. Qanunun daha işlək olması üçün aidiyyəti qurumlarla bu məsələni müzakirə edə bilərik”, – deyə, o bildirib.
Mənbə: Report