Dünya

Mütəxəssislər xəbərdarlıq etdi: Günəşdə alov 2025-ci ildə daha təsirli olacaq

Yer günəş alışmasının səbəb olduğu geomaqnit günəş qasırğasından böyük ölçüdə özünə gələ bilsə də, ekspertlər daha güclü partlayışların 2025-ci ilə qədər davam edə biləcəyi barədə xəbərdarlıq ediblər.

Amerika Milli Okean və Atmosfer Administrasiyasının (NOAA) Kosmik Hava Proqnozları Mərkəzi son 7 ilin ən böyük günəş partlayışının ötən həftə baş verdiyini bildirib.

Günəşin partlaması nəticəsində yaranan geomaqnit qasırğası həm də peyklər və kosmosdakı insanlar üçün Yerdəki radio dalğalarına müdaxilə kimi potensial problemlər yaradıb. Bununla belə, mütəxəssislər Günəşin hələ də “günəş maksimumuna”, yəni 11 illik günəş dövrünün ən enerjili nöqtəsinə çatmadığını bildiriblər.

Alimlər xəbərdarlıq ediblər ki, Günəş hələ maksimum gücünə çatmayıb və bir-iki il ərzində xeyli güclənərək Yerə təsir edəcək.

Amerika Milli Okean və Atmosfer Administrasiyasına bağlı Kosmik Hava Proqnozları Mərkəzi keçən həftə X hesabında bir yazıda cari günəş partlayışı dövrünün ən böyük partlayışının baş verdiyini bildirdi.

Açıqlamada sözügedən partlayışın bütün dövrlərdə qeydə alınan 17-ci ən böyük günəş partlayışı olduğu, X sinfi olaraq xarakterizə edilən güclü partlayış səbəbiylə bəzi radio ötürücülər və buna bənzər texniki vasitələrin təsirlənə biləcəyi ifadə edildi.

Günəş alovları A sinfindən X sinfinə qədər təsnif edilir və hər sinif 1-dən 9-a qədər miqyaslanır.

Mənbə: Ntv.Tr

Aynur Camal

Oxşar xəbərlər

ABŞ Ukraynanın Donetsk və Belqoroda endirdiyi zərbələrin mümkün səbəbini açıqladı

Aynur Camal

Norveç Kiyevi müdafiə sistemləri ilə təmin etmək üçün koalisiyaya qoşuldu

Bugün TV

Volodimir Zelenski Ərdoğan təşəkkür edib

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu