Bugun.tv xəbər verir ki, söhbət Polşanın Krakov şəhərində yerləşən Auşvitzdən gedir.
Bu barədə xəbər kanalının prodüseri Mariya Merfi muzeyə aparan relslərdə gülümsəyərək poza verən turistin fotosunu paylaşıb.
“Bu gün həyatımın ən kədərli təcrübələrindən birini yaşadım. Təəssüf ki, orada hər kəs bunu belə təsir edici hesab etmədi”, – deyə o, yazıb.
Fotonun internetdə yayılmasından sonra muzeyin rəhbəri ziyarətçilərin ərazidə baş verənlərə hörmət göstərməli olduğu barədə xəbərdarlıq edib.
Qeyd edək ki, Auşvitz I ilk olaraq 1940-cı ilin may ayında polyak siyasi məhbusların saxlanılması məqsədilə inşa olunub. Hesablamalara görə, bu düşərgədə saxlanılan 1.3 milyon nəfərdən 1.1 milyon nəfəri öldürülüb. 1979-cu ildə bu muzeyin adı UNESCO tərəfindən Ümumdünya irsi siyahısına əlavə edilib.
Mənbə: TRT haber