Bugun.tv xəbər verir ki, Myanmar Now saytındakı xəbərə görə, hərbi administrasiya generallar Moe Myint Tun və Yan Naung Soe-nin hərbi məhkəmə tərəfindən “dövlətə xəyanət, rüşvət alma, korrupsiya, qeyri-qanuni valyuta saxlama və hərbi intizamı pozma” ittihamları ilə ömürlük həbs cəzasına məhkum edildiyini açıqlayıb.
TRT Haber-in məlumatına görə, Bildirilib ki, Moe Myint Tun hərbi xunta lideri general Min Aung Hlaing-in ən etibarlı generallarından biri olub və bundan əvvəl hərbi hökumətin investisiya və valyuta nəzarəti komitəsinə rəhbərlik edib. 2021-ci ildəki çevrilişdən sonra yaradılan 18 nəfərlik Hərbi Şuranın 5-ci ən yüksək vəzifəli üzvü olan Moe və Yan sentyabr ayında onlara qarşı ittihamlar səbəbilə paytaxt Nepidoda saxlanılıb. Onlara qarşı irəli sürülən ittihamlardan sonra Şuradan xaric edilən iki general da ordudan xaric edilib. Myanma ordusu 2020-ci il ümumi seçkilərində saxtakarlıq iddiaları və ölkədəki siyasi gərginlikdən sonra 2021-ci il fevralın 1-də hökuməti ələ keçirib. Ordu bir çox məmurları və hakim partiya rəhbərlərini, xüsusən də ölkənin faktiki lideri və xarici işlər naziri Suu Kyi-ni saxlayıb və fövqəladə vəziyyət elan edib.
Müxbir: İntizar Əmirova