Bugun.tv xəbər verir ki, İtaliya Birinci Futbol Liqasının (Seriya A) 31-ci həftəsində çempionatın ən güclü namizədi “Napoli” 15 xallıq silmə cəzasının ləğvi ilə yenidən zirvəyə yaxınlaşan “Yuventus”un qonağı olub.
Turinin “Allianz” stadionunda keçirilən oyunun ilk hissəsi qolsuz bərabərliklə yekunlaşıb.
Matçın ikinci hissəsində iki komanda bir-birinin qapısında təhlükəli anlar yaratsa da, qolu məhz qonaqlar vurub. 90+3 dəqiqədə Cakomo Raspadori komandasını 1-0 önə çıxaran qolu vurub.
“Napoli” “Yuventus”u 1:0 hesabı ilə məğlub edərək, son həftələrdə xal itkisinə son qoyub.
Bu məğlubiyyətlə “ağ-qaralar” liqada ardıcıl üçüncü məğlubiyyətini alıb və 59 xalla üçüncü pillədə qalıb.