Dünya

NASA-nın kəşf etdiyi körpə asteroid ortaya çıxdı

NASA-nın “Lusi” kosmik gəmisi hələ başlanğıcda olan asteroidi kəşf edib. Selam adlı göy cisminin 2-3 milyon il yaşı olduğu təxmin edilir.

Günəş sistemindəki asteroidləri araşdırmaq missiyasını davam etdirərkən, Lucy 2023-cü ilin noyabrında Yerə yaxın Dinkinesh asteroidinin orbitində başqa bir obyekt görüb. Elm adamları Selamın sürətlə fırlanan Dinkineşin səthindən atılan materialdan ibarət olduğunu düşünürlər.

Mars və Yupiter arasındakı Asteroid qurşağında yerləşən bu iki obyekt arasındakı əlaqəyə əsaslanaraq, tədqiqatçılar Selamın yaşını hesablamaq üçün bir model yaratdılar. Normalda asteroidlərin yaşı onların səthindəki zərbə kraterlərinin sayına baxılmaqla hesablanır. Bu üsul meteoritin kosmosda nə qədər çox qalacağı, bir o qədər çox zərbə alacağı və bunun da kraterlərin sayını artıracağı fikrinə əsaslanır.

Astronomy and Astrophysics jurnalında dərc olunan araşdırmanı aparan alimlər Dinkinesh və Selamın hərəkətlərini və onlar arasındakı dinamikanı araşdırıblar. Belə ikili sistemlər cazibə qüvvəsi və günəş radiasiyasının təsiri ilə ziddiyyət təşkil edir. Sistemin enerjisini də dəyişən bu iki təsir sonda güc baxımından bərabərləşdikdə sistem tarazlığa çatır.

“Günəş sistemi standartlarına görə o, təxminən körpə yaşındadır.”

Bu tarazlığın əldə edildiyini fərz edən araşdırma qrupu, Selamın formalaşdıqdan sonra bu nöqtəyə çatmasının nə qədər vaxt aldığını öyrənməyə çalışıb. Kompüter simulyasiyaları ilə 1 milyon hesablama aparan elm adamları asteroidin yaşının 3 milyon il civarında olduğunu müəyyən ediblər. Bu nəticələr göstərir ki, Selam Günəş Sistemi standartlarına görə körpənin ölçüsüdür.

Kornell Universitetinin Aerokosmik Mühəndislik Departamentinin doktorantı Colby Merrill araşdırma haqqında deyib: “Asteroidlərin yaşını tapmaq onları anlamaq üçün vacibdir və bu asteroid Günəş sisteminin yaşı ilə müqayisədə olduqca gəncdir, yəni bu yaxınlarda yaranıb”.

“Qeyri-adi unikal və mürəkkəb obyekt.”

Merrill Selamın “qeyri-adi unikal və mürəkkəb obyekt” olduğunu da qeyd edir. Obyekt bir-birinə yapışmış zibil qalaqları olan iki lobdan ibarətdir və kontakt-binar sistem adlanan belə bir obyektin asteroidin ətrafında fırlanması indiyədək heç vaxt görülməyib.

Tədqiqatçılar Selamın yaşını hesablamaq üçün istifadə etdikləri metodun pula qənaət etmək üçün digər ikili asteroid sistemlərinə də tətbiq oluna biləcəyini düşünürlər. Yerə yaxın asteroidlərin təxminən 15 faizinin yoldaşları olduğu təxmin edilir.

Lucy-nin növbəti dayanacağı Mars və Yupiter arasında olan 52246 Donaldjohanson asteroididir və daha sonra Yupiter ətrafında fırlanan meteorları ziyarət edəcək. 16 oktyabr 2021-ci ildə kosmosa buraxılan Lucy, Trojan asteroidləri adlanan bu obyektləri araşdırmaq üçün yola çıxan ilk nəqliyyat vasitəsidir.

Mənbə: TrtHaber

Aynur Camal

Oxşar xəbərlər

ABŞ pilotsuz hərbi kosmik gəmini orbitə çıxartdı

Aynur Camal

Almaniyada Yeni il tətillərlə başladı

İntizar Əmirova

İsveç Eurovision 2023-ün qalibi oldu

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu