Bugun.tv xəbər verir ki, NASA-nın 46 yaşlı Voyager 1 kosmik gəmisi kompüterdə nasazlıq yaşayıb. Nəticədə Yerdəki missiya komandası ilə əlaqə kəsilib.
1977-ci ildə orbitə buraxılan pilotsuz kosmik gəmilər Voyager 1 və Voyager 2 indiyə qədər Yerdən ən uzaq məsafəni qət edən peyklər kimi tarixə düşüb.
Yupiter və Saturnu öyrənmək üçün nəzərdə tutulan cihaz əslində 5 il işləməli idi. Ancaq onlar 45 ildir ki, kosmosdadırlar.
Yaranan nasazlıqdan sonra cihaz Yerə məlumat ötürmür. Buna görə də mühəndislər problemin səbəbini tapa bilmirlər.
Xatırladaq ki, Voyager -1 kosmik gəmisi heliosferi təxminən 36 ilə keçib. Voyager-2 isə 2018-ci ildə ulduzlararası mühitə daxil olub.