23 C
Baku
21 İyul 2024, 17:48
Dünya

NATO-nun baş katibi vəzifəsini kim icra edəcək

Hollandiyanın baş naziri Mark Rutte NATO-nun baş katibi vəzifəsinə yeganə namizəd olaraq qalır

Rumıniya prezidenti Klaus İohannisin NATO baş katibi vəzifəsinə namizədliyini geri götürməsi ilə Hollandiyanın baş naziri Mark Rutte bu vəzifəyə yeganə namizəd olaraq qalıb.

Rumıniya mətbuatında yer alan xəbərə görə, Prezidentlik tərəfindən edilən yazılı açıqlamaya əsaslanaraq, İohannis namizədliyini geri götürdüyünü və Rutteni dəstəkləyəcəyini açıqlayıb.

Beləliklə, oktyabrın 1-də NATO-nun baş katibi Yens Stoltenberqin vəzifəsini Ruttenin alacağı demək olar ki, dəqiqdir.

Rutte Hollandiyada koalisiya hökumətinin dağılmasından sonra 7 iyul 2023-cü ildə istefa verib və yeni hökumət qurulana qədər baş nazir vəzifəsini davam etdirəcəyini, sonra isə aktiv siyasətdən ayrılacağını bəyan edib.

Stoltenberqin səlahiyyət müddətinin daha bir müddətə uzadılmayacağı bəlli olduqdan sonra Rutte NATO baş katibi vəzifəsinə namizədliyini açıqlayıb. Qısa müddətdə bir çox ölkənin dəstəyini qazansa da, Macarıstan, Slovakiya və Rumıniya Ruttenin namizədliyini dəstəkləməyib.

Macarıstanın baş naziri Viktor Orban da Stoltenberqdən ölkəsinin NATO-nun Ukrayna ilə bağlı planlarında iştirak etməyəcəyinə dair təminat aldıqdan sonra Rutteyə eyni xahişlə müraciət edib. Rutte məktubunda Macarıstanın NATO çərçivəsində Ukraynaya hər hansı hərbi və ya maliyyə yardımı göstərməyə məcbur edilməyəcəyinə əmin olduqdan sonra, Orban iyunun 18-də hollandiyalı siyasətçiyə dəstəyini açıqlamışdı.

Baş katib Stoltenberq də həmin gün verdiyi açıqlamada Rutteni NATO başçılığına “çox güclü” namizəd kimi gördüyünü bildirib.

Bu məsələ ilə bağlı rəsmi qərar iyulun 9-11-də Vaşinqtonda keçiriləcək NATO sammitində açıqlanacaq.

Mənbə: Haber Global

İntizar Əmirova

Oxşar xəbərlər

İsrail qüvvələri dinc sakinlərə hücum etdi

Aynur Camal

İranda partlayış oldu

Nigar Məmmədova

85 faiz uşaq hər 3 gündən ən azı birini yemək yemədən keçirir

İntizar Əmirova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu