Yens Stoltenberq Ukrayna prezidenti Vladimir Zelenskini təşkilatın iyulda Vilnüsdə keçiriləcək növbəti sammitində iştirak etməyə dəvət edib.
Bugun.tv TASS–a istinadən bildirir ki, bu barədə NATO-nun baş katibi cümə günü Tallinndə keçirdiyi mətbuat konfransında bildirib. O, Ukrayna prezidentini iyulda Vilnüsdə keçiriləcək təşkilatın sammiti üçün NATO ölkələrinə qoşulmağa dəvət edib.
NATO rəhbəri Zelenskinin sammitdə şəxsən iştirak edə biləcəyinə ümid etdiyini bildirib. Lakin bunun Ukraynadakı vəziyyətdən asılı olduğunu başa düşdüyünü vurğulayıb.
Qeyd edək ki, iİyulun 11-12-də NATO-nun 30 dövlət və hökumət başçısının görüşü keçiriləcək.
Sammit Vilnüsdə baş tutacaq.