Bugun.tv xəbər verir ki, Rumıniyanın ən böyük xam neft emalı zavodu olan Petromidiyada yanğın olub.
Rumıniyanın Ətraf Mühit Nazirliyindən verilən açıqlamada yanğının partlayışdan sonra başladığı bildirilib.
Hökumətin fövqəladə hallar bölməsi yanğının nəzarət altına alındığını və havada heç bir təhlükəli maddənin aşkar edilmədiyini deyib. “Yanğın artıq söndürülüb. Yenidən alovlanma riski olduğundan, personal təxliyə edilib və yanğınsöndürənlər soyutma işlərini davam etdirirlər”.
Neft emalı zavodundan qalxan qara tüstü kilometrlərlə uzaqdan görünb. Yanğın zamanı tələfat və xəsarət alanlar barədə məlumat verilməyib.
Sözügedən neft emalı zavodu, əsasən, Qazaxıstanın KazMunayQaz dövlət neft şirkətinin bir hissəsi olan KMG International-ın nəzarətində olan Rompetrol Rafinare-ə məxsusdur. Rumıniya dövləti neft emalı zavodunda 45 faiz paya malikdir. Zavod xam nefti Qazaxıstandan alır.
Mənbə: TRT Haber