İsrailin xarici işlər naziri Gideon Saar ABŞ administrasiyasının baş nazir Benyamin Netanyahu və keçmiş müdafiə naziri Yoav Gallantın həbsinə order verən Beynəlxalq Cinayət Məhkəməsinə (ICC) qarşı “tezliklə addımlar atacağına” inandığını bildirib. Saar rəsmi səfəri çərçivəsində getdiyi Praqada Çexiyanın xarici işlər naziri Yan Lipavski ilə birgə mətbuat konfransı keçirib.
BCM-nin Netanyahu və Gallant üçün verdiyi həbs qərarına toxunan Saar, İsrailin məhkəməyə tərəf olmadığı üçün Tel-Əviv üzərində yurisdiksiyasının olmadığını iddia edib.
Saar, “Qərarın qanuni olmadığını” ifadə edərək, dünən ICC-yə etiraz etdiklərini bildirib.
Çexiyanın da qərara etiraz etdiyini bildirən Saar, həbs qərarı səbəbiylə ABŞ-ın “tezliklə ICC əleyhinə qanun qəbul edəcəyinə” inandığını qeyd edib.
Saar bildirib ki, məhbusların azad edilməsi kimi “məqsədlərinə çatana qədər” Qəzza zolağına hücumlara son qoymayacaqlar.
Beynəlxalq Cinayət Məhkəməsi noyabrın 21-də Netanyahu və Qalantın Qəzza zolağında törədilmiş hərbi cinayətlər və insanlığa qarşı cinayətlərə görə həbsinə order verib.
Mənbə: TrtHaber