İsrailin baş naziri Binyamin Netanyahunun silah şikayətindən sonra ABŞ-ın silah və sursat daşıdığı güman edilən yük təyyarəsinin paytaxt Tel-Əvivdəki Ben Qurion hava limanına eniş etdiyi açıqlanıb.
İsrail ordusu radiosunun xəbərində, “Baş nazir Netanyahunun ABŞ-dan silah daşınmasında gecikmə olması tələbindən sonra ABŞ-ın C17 tipli yük təyyarəsi İsrailə eniş etdi” ifadələrdən istifadə edilmişdir.
Xəbərdə əlavə təfərrüatlara yer verilməsə də, ABŞ və İsrail rəsmilərindən hələlik heç bir açıqlama verilməyib.
Dünən verdiyi açıqlamada Netanyahu 4 ay əvvəl ABŞ-dan İsrailə silah daşınmalarında “dramatik azalma” yaşandığını bildirərək, müəyyən hissələr istisna olmaqla, silahların əksəriyyətinin gəlmədiyini iddia edib.
İyunun 18-də İsrailin baş naziri Netanyahu ABŞ-ı ölkəsinə silah göndərməkdən imtina etməkdə ittiham etdiyi bir video paylaşıb.
İyunun 19-da İsrail baş nazirinin ofisi bildirib ki, ABŞ-ın İsraildəki səfiri Cek Lyu Netanyahuya döyüş sursatı və silahların İsrailə çatdırılması prosesində olduğunu deyib.
Mənbə: TrtHaber