Bugun.tv xəbər verir ki, Beynəlxalq Muğam Mərkəzində müğənni, AzTv-nin solisti Nicat Cəfərzadənin sənətdəki 20 illiyinə həsr olunsn solo konserti keçirilib.
Tədbirdə tanınmış incəsənət xadimləri, xalq artistləri və bəstəkarlar iştirak ediblər.
Konsert proqramı musiqiçilərin canlı müşayiəti ilə təqdim olunub. Gecədə bir-birindən gözəl bəstəkar və xalq mahnıları səsləndirilib. Nicat Cəfərzadənin ifaları zalda böyük heyranlıqla qarşılanıb.
Musiqili gecə tamaşaçıların ayaqüstü alqışları ilə başa çatıb. Sonda sənət dostları və pərəstişkarları yubilyara gül dəstələri təqdim ediblər. Bu hesabat gecəsi paytaxtın mədəniyyət xronikasına parlaq bir səhifə kimi yazılıb.
Qeyd edək ki, müğənni Nicat Cəfərzadə “Azəri Star” mahnı müsabiqəsi ilə tanınıb. O, retro mahnıların fərqli ifaları ilə seçilir. Sənətçi yaradıcılıq fəaliyyətini rəqəmsal musiqi platformalarında və yerli televiziyalarda davam etdirir.
Müxbir: Jalə Asiman