Bugun.tv xəbər verir ki, Ordunun Altınordu rayonunda 102 yaşlı Mehmet Danacı tək yaşadığı evdə elektrik sobasının aşması nəticəsində baş verən yanğında tüstüdən boğularaq həyatını itirib. Zaferimilli Məhəlləsində baş verən hadisədə evdə tək yaşayan Mehmet Danacı elektrik sobasını yandıraraq onun yanında yatıb.
TRT Haber-in məlumatına görə, Bir müddət sonra naməlum səbəbdən elektrik sobası aşdığı zaman döşəmədəki xalça və taxta döşəmə yanıb. Sıx tüstü iyi alan və evə daxil olan yaxınları Mehmet Danacı yerdə hərəkətsiz vəziyyətdə görüblər. Otaqdan başqa hissələrə keçməmiş yanğını öz imkanları ilə söndürən yaxınları vəziyyəti 112 Təcili Yardım Mərkəzinə bildiriblər. Xəbər verildikdən sonra ünvana çoxlu polis və tibbi qruplar göndərilib. Həkimlərin müayinəsindən sonra Danacının öldüyü müəyyən edilib. Mehmet Danacının cənazəsi prokurorluğun araşdırmasından sonra Ordu Dövlət Xəstəxanasının morquna aparılıb. Polis hadisə ilə bağlı araşdırmalara başlayıb.
Müxbir: İntizar Əmirova