Rusiya general-mayoru həbs edilib!
Ötən ilin iyulunda vəzifəsindən azad edilən general-mayor İvan Popov “külli miqdarda dələduzluq” ittihamı ilə həbs edilib. İstintaq çərçivəsində Popov 2 ay müddətinə həbs olunacaq.
Telegram-da paylaşılan və keçmiş general-mayor Popova aid olduğu bildirilən səsli mesajda o, Ukraynadakı əməliyyatda “yüksək itki nisbəti” və “artilleriya dəstəyinin olmaması” ilə bağlı suallar verib.
Popov səs yazısında “Ya susub qorxaq olmaq, ya da vəziyyəti olduğu kimi danışmaq lazım idi. “Mən qorxaq kimi susmadım, Ukrayna müharibəsi ilə bağlı həqiqəti söylədim” deyən o, əlavə edib: “Sizin adınızdan, həyatını itirən yoldaşlarımın adından yalan danışmağa haqqım yox idi. Ona görə də mən bütün mövcud problemləri ümumiləşdirdim”.
Bundan əlavə, Popov deyib ki, onun işdən çıxarılmasını vətənə xəyanətdə ittiham etdiyi yüksək rütbəli komandirlər tələb edib və Rusiyanın keçmiş müdafiə naziri Sergey Şoyqu təsdiqləyib.
12 il müdafiə naziri vəzifəsində çalışmış Şoyqu mayın ortalarında Rusiya prezidenti Vladimir Putin tərəfindən vəzifəsindən azad edilib.
5-ci səlahiyyət müddətinə başlayan Putin Şoyqunun yerinə baş nazirin müavini, iqtisadçı Andrey Belousovu Müdafiə Nazirliyinə təyin edib.
Mənbə: TGRT