“Napoli”nin hücumçusu Viktor Osimhen uğrunda “Mançester Yunayted”, “Çelsi” və “Liverpul” yarışır.
Bugun.tv xəbər verir ki, bu barədə jurnalist Saşa Tavolieri bildirib.
Onun fikrincə, klublar mümkün müqavilələrin şərtlərini müzakirə etmək üçün forvardın agentləri ilə görüşlər planlaşdırıb.
Onların niyyətləri gələn həftə müəyyənləşəcək.
2022/2023 mövsümünün İtaliya A Seriyasında Osimhen 32 oyun keçirib, 26 qol vurub və 4 məhsuldar ötürmə verib. Nigeriyalı çempionatın bombardiri oldu, Napoli isə 38 matçda 90 xalla liqada birinci yeri tutdu.
Qeyd edək ki, Osimhen İtaliya klubuna keçməzdən əvvəl Almaniyanın “Volfsburq”, Belçikanın “Şarlerua” və Fransanın “Lill” klublarında çıxış edib.