Bugun.tv xəbər verir ki, Özbəkistanlı bloqer Miraziz Bazarov Nikita Makarenkonun hazırda ölkədə dövlət tərəfindən qorunduğunu iddia edib. Bazarov sosial şəbəkədə yaydığı açıqlamada özü barəsində Makarenkonun şikayətindən sonra cinayət işinin açıldığını bildirib.
Bazarovun sözlərinə görə, onun araşdırmaları Özbəkistan Prezident Administrasiyasındakı mümkün korrupsiya əlaqələri, dövlət aktivlərinin xarici şirkətlərə ötürülməsi və büdcə vəsaitlərindən istifadə ilə bağlı olub. O, bu araşdırmalara görə təzyiqlərlə üzləşdiyini də iddia edib.
Mövzu ilə bağlı Avrasiya Analitik Klubunun rəhbəri Nikita Mendkoviç də Makarenkonun dövlət büdcəsindən 4,5 milyon dollar vəsaitin mənimsənilməsində iştirak etdiyini iddia edib. Lakin bu ittihamlarla bağlı təqdim olunan materiallarda müstəqil rəsmi təsdiq göstərilmir.
Bazarov həmçinin son illərdə Özbəkistanda bəzi bloqerlərə qarşı cinayət təqiblərinin siyasi mübahisələr fonunda aparıldığını bildirib.
Nikita Makarenko isə Özbəkistanda jurnalist, bloqer və media mütəxəssisi kimi tanınır. Onun rəsmi internet səhifəsində də media və ictimaiyyətlə əlaqələr sahəsində fəaliyyət göstərdiyi qeyd olunur.
Mənbə: EADaily