Bugun.tv xəbər verir ki, Pakistandakı müvəqqəti hökumətin baş naziri Anvarul Hak Kakar bildirib ki, onlar Hindistan da daxil olmaqla bütün qonşularla sülh istəyirlər, lakin Cammu və Kəşmir məsələsi Yeni Dehli ilə sülh üçün əsas əhəmiyyət kəsb edir.
Baş nazir Kakar Birləşmiş Millətlər Təşkilatının (BMT) 78-ci Baş Assambleyasının müzakirələrində iştirakçılara müraciət edib.
Kakar, Hindistan da daxil olmaqla bütün qonşularla sülh istədiklərini, lakin Cammu və Kəşmir məsələsinin Yeni Dehli ilə sülhün açarı olduğunu vurğulayıb.
Cammu və Kəşmir məsələsinin BMT Təhlükəsizlik Şurasının gündəmindəki ən qədim məsələlərdən biri olduğunu bildirən Kakar Hindistanın BMT Təhlükəsizlik Şurasının qərarlarını yerinə yetirməkdən yayındığını bildirib.