Bugun.tv xəbər verir ki, Pakistanın Birləşmiş Millətlər Təşkilatının (BMT) Cenevrə bölməsindəki daimi nümayəndəsi səfir Zaman Mehdi Yunanıstan dənizində miqrant qayığının batmasından sonra Afinanın immiqrasiya siyasətinə reaksiya verib.
Z.Mehdi BMT-nin İnsan Haqları Şurasının iclasında bu barədə çıxış edib.
O, belə bir status-kvonun qəbuledilməz olduğunu ifadə edib. “Məsuliyyətin bölüşdürülməsi, təhlükəsiz və vaxtında axtarış-xilasetmə tənzimləmələri, dənizdə xilas edilən bütün insanların gəmidən endirilməsi və cavabdehlik məsələlərindəki boşluqlar həmrəylik ruhu ilə bağlanmalıdır”.
Pakistan Yunanıstan sahillərində batan qayığın göyərtəsində 350-yə yaxın vətəndaşın olduğunu açıqlayıb.
Xatırladaq iyunun 14-də Yunanıstanın Peloponnes adasında yerləşən Navarino şəhərində. sularda qeyri-qanuni miqrantları daşıyan balıqçı qayığı çevrilib, 82 nəfər ölüb, 104 nəfər xilas edilərək Kalamata limanına gətirilib.
Mənbə: TRT Haber