Politoloq, siyasi ekspert Məhəmməd Əsədullazadə hesab edir ki, Ermənistan konstitusiya dəyişikliyinə seçkilərdən sonra getməyi planlaşdırır: “Sülh müqaviləsi yalnız gələn ilin axırı bağlana bilər. Sülh mətnin paraflanması isə bu ilin axırına kimi reallaşa bilər. Çünki, Nikol Paşinyan da istəyir ki, seçkilərə kimi sülh prosesində irəliləyiş əldə etsin, daxildə publikaya ”sülh istiqamətində irəliləyişlər var”, kimi sözlər desin”.
Bu fikirlərini öz sosial media hesabında paylaşan siyasi ekspert M. Əsədullazadənin sözlərinə görə, hazırda gedən proseslərdə Azərbaycanla Ermənistan arasında münasibətlər müharibə müstəvisində deyil.