Bakı şəhəri, Sabunçu qəsəbəsi, Şəhər şosesi, 2 zolaq, ev 8 ünvanında qaz sızmasından partlayış baş verib. Partlayış dalğası pəncərələri zədələyib, hamamın tavanı uçub. Hadisə zamanı evdə Pakistan vətəndaşları, 1985-ci il təvəllüdlü Məsih İmtiaz, 1988-ci il təvəllüdlü Əli Məhəmməd Faysal və Hindistan vətəndaşları Phulprit Sinq (1991-ci il təvəllüdlü), Prem Saqar (2002-ci il təvəllüdlü) müxtəlif şiddətdə xəsarət alıb.
Onların Odlar Yurdu Universitetinin tələbələri olduqları və bu yaşayış yerini kirayə götürdükləri bildirilir. Zərərçəkənlər xəstəxanaya yerləşdirilib.
Məlumata görə faktla bağlı araşdırma aparılır.
Mənbə: Qafqazinfo.az