Elm və Təhsil Nazirliyindən Bugun.tv-yə daxil olan məlumata görə, 29 iyul tarixində peşə təhsili müəssisələrinə tələbə qəbulu prosesinə start verilməsi ilə bağlı Peşə Təhsili üzrə Dövlət Agentliyinin direktoru Ceyhun Kərəmovun iştirakı ilə media üçün brifinq keçiriləcəkdir.
Brifinqdə qəbul qaydaları, yeni ixtisaslar, o cümlədən Qarabağda qurulan peşə təhsil müəssisələri haqqında ən son məlumatlar və digər maraq doğuran məsələlərlə bağlı ictimaiyyətə açıqlamalar veriləcəkdir. Tədbirdə iştirak edəcək şəxslərin qeydiyyatdan keçməsi xahiş edilir.
Məkan: Sənaye və İnnovasiyalar üzrə Bakı Dövlət Peşə Təhsil Mərkəzi (Koroğlu Rəhimov küçəsi, 76) ELİT Ticarət Mərkəzinin yanı
Tarix: 29 iyul 2024-cü il, Saat: 11:00
Mənbə: Elm və təhsil nazirliyi