Praqadakı görüşlər onu göstərdi ki, Ermənistan itirməyə məhkumdur

“Praqa görüşündən öncə Brüssel danışıqları və dərhal sonra Rusya danışıqlarında müəyyən olunmuş plan marşurtlara əməl olunmadı və bu görüşlərin həm fonunda həmdə sonrasında Ermənistanın təxribatlara əl atdığının şahidi olduq.” 

Bu sözləri Sosial Tədqiqatlar Mərkəzinin mətbuat xidmətinin katibi,  politoloq Əziz Əlibəyli  Bugün.tv-yə müsahibəsində deyib.

“14 sentyabrdan sonra Ermənistan Azərbaycan əleyhinə informasiya savaşına start verdi. Bu start çərçivəsində ABŞ- dan yüksək rütbəli şəxslər Ermənistana gəldi, Azərbaycan əleyhinə ifadələr verməyə başladı. Biz Avropalı siyasətçilədən də bu mövqeyi gördük. Ermənistanın N.Pelosinin gəlişinə qədərki qorxaq mövqeyi, 12,14 sentyabrdaki əməliyyatlarda məğlub olması ,Paşinyanın sülh anlayışı ilə bağlı tez -tez ifadələr işlətməsi onu göstərdiki, kifayət qədər bu reallıqlara bağlı sənədi imzalamağa hazırdı. Ama N.Pelosinin Ermənistana səfəri onu xilas etdi”.-deyə politoloq qeyd edib.  

O, vurğulayıb ki, Ermənistan tərəfinə bir tezis ötürüldü ki bir az gözləmək lazımdı. Rusya-Ukrayna müharibəsinin gedişi dəyişir. Ukrayna bəzi torpaqlarını azad etməyə başladı .Belə bir qənaət yarandı ki bəlkə Ermənistanın asılı olduğu Rusya tarix səhnəsindən silinə  və ya müharibədə məğlub olar. Beləliklə zəifləmiş Rusiya Qafqazı tərk edə bilər.Bunun alternativi kimi bölgəyə ABŞ, Fransa və başqa müttəfiqlər daxil ola bilər.

“Bu Paşinyanın simasinda Qərbdə olan müttəfiqlərin iştirakı ilə Qafqazı müharibə meydanına çevirmək ideyası doğurdu. Əgər Qafqazda güclü Rusiya yoxdursa Ermənistanın müttəfiqi kim ola bilər? Bu Iran və ya Fransa ola bilər.  Fransa hərbiçilərini Azərbaycan Ermənistan sərhədinə yerləşdirilməsi ideyasını nəzərdən keçirir. Hətta bunu ABŞ-ın əsgəri varlığı kimi izah etməyə çalışır. Düşünürlər ki, noyabrın 8- də Amerika nümayəndələr palatasında seçkilər olacaq. Bu seçkilərə qədər Amerikanın indiki hakimiyyəti yəni demokrat partiyası Azərbaycan əleyhinə nifrət püskürür.  Lobbi Azərbaycan əleyhinə fəaliyyət göstərir. Sanksiyaların ,qadağalrın tətbiq olunmasına çağırışlar var. Bunlar ən yüksək səviyyədədir. Bu günə qədər Ermənistan informasiya savaşını bu səviyyədə qura bilməmişdi. Prezident I.Əliyev Ağdamda açılışlar zamanı bunun cavabını verdi. Bildirdi ki, Azərbaycan əhalisi olan ermənilərlə bağlı qərarı Azərbaycan dövləti verir və biz heç bir xarici qüvvənin diktəsi ilə oturub durmuruq. Praqaya da bu görüşlə getdi.”-deyə politoloq  bildirib.

“Bu gün Praqadakı görüşlər onu göstərdi ki Ermənistan itirməyə məhkumdur. Azərbaycanla danışıqların bir qisminə Fransa prezidenti qoşuldu, daha sonra Turkiyə prezidenti R.T.Ərdoğan və Macarıstan prezidenti Viktor Urban da görüşə qatıldı. Ilkin qənaət budur ki, ermənilərin 1-ci arqumenti: Xankəndi- Irəvan modeli dağıldı. Çünki Azərbaycan öz ərazisində separatçı qrupları qəbul edə bilməz. 2-ci məsələ budur ki, Fransız qoşunlarının bölgəyə gəlməsi mümkün deyil. Azərbaycan buna razılıq verə bilməz . 3-cü Rusyasız Ermənistan belə bir addım ata bilməz. Çünki Rusya Ermənistanın dövlət sərhədlərini qoruyur və Ermənistanın hərbi arsenalının böyük hissəsi, (söhbət 80-90%-dən gedir) rus şirkətlərinin icarəsindədir. Milli və Hərbi təhlükəsizliyi öz əlində olmayan dövlət hansı addımı ata bilər və fransızları hansı məntiqlə bölgəyə dəvət edə bilər? Fransızlar bu bölgəyə gəlsələr kommunikasiya problemi və Rusiya,Türkiyə faktoru  ilə qarşılaşacaq. Reallıq başqadır . N.Paşinyan Ermənistan parlamentində etdiyi çıxışını bu gün də bəyan etmiş oldu:”Biz Qarabağı Azərbaycansız edə bilmərik. Yəni biz Qarabağı Azərbaycandan ala bilməyəcəyik və bunu Ermənistan cəmiyyəti qəbul etməlidir. Mən hesab edirəm ki Ermənistan parlamenti və cəmiyyəti mənə dəstək verəcək.”

Parlamentdə verdiyi bəyanatın mühüm hissəsi bu sözlərdi. Ilk dəfədir hər iki ölkənin başçılarının mövqeyi bu qədər yaxındır. Ama Paşinyana çox ümid etmək olmaz. Onun yanında texnoloqu var- E.Makron. Makron Ermənistanın maraqlarını Fransanın maraqları kimi qəbul edir. Əgər Prezident I.Əliyev bu görüşlərdə Makronun iştirakına razılıq veribsə deməli mövqeyimiz kifayət qədər güclüdü. Azərbaycan və Ermənistan arasında Moderator rolunu oynayan Rusya tərəfi bu prosselədən narazı deyil, Türkiyənin Ermənistanla sərhədi açması, Azərbaycan Ermənistan arasında sülh müqaviləsinə gedən yolda ən yaxşı addım ola bilər. Bu gün biz Praqa görüşündən bəlkə bir niyyət protokolu, hədəflərin istiqamətinin  müəyyən olunmasını gözləyirik. Hər halda böyük nəticələri olan görüş olacaq.”-deyə  o, söyləyib.