Baş xəbər

Prezident: “Gələn il üçün Azərbaycanın dövlət büdcəsi rekord həddə çatıb”

“Müharibədə uğur qazanmaq üçün biz çox önəmli layihələri icra etməli idik və etdik. Bu gün dünyanın və bizim bölgəmizin enerji-nəqliyyat xəritələrinə baxmaq kifayətdir ki, hər kəs görsün bizim təşəbbüsümüzlə icra edilən layihələr həm ölkəmizə, həm də bizim tərəfdaşlarımıza nə qədər böyük fayda gətirib. Hələ indiki mərhələdə daha geniş vüsət alacaq və bütün bu ölkələr bizim təbii dostlarımızdır, müttəfiqlərimizdır”.

Bunu Prezident İlham Əliyev bu gün Şuşada hərbçilər qarşısında çıxış edərkən deyib.

Dövlət başçısı bildirib ki, eyni zamanda, bu layihələr bizə əlavə maliyyə imkanı yaratdı:

“Biz, ilk növbədə, bu maliyyə imkanlarını hərbi potensialın gücləndirilməsinə yönəltdik. Mənim prezidentlik dövrümdə əgər dövlət büdcəsinin xərclərinə nəzər salsaq, görərik ki, birinci yerdə hərbi xərclərdir, birinci yerdə. Halbuki, ölkənin başqa ehtiyacları var. Bir milyona yaxın məcburi köçkünün də problemlərini biz həll edirdik, onları da biz yeni evlərlə təmin edirdik. Maaşlar, pensiyalar, bunları da biz artırmalı idik və artırırdıq. Daha çox artırmaq istəyirdik və istəyirik. Ancaq, ilk növbədə, orduya, ilk növbədə, Qələbəyə aparan yola daha böyük maliyyə dəstəyi verirdik. Bu gün də belədir. Gələn il üçün Azərbaycanın dövlət büdcəsi rekord həddə çatıb, o cümlədən hərbi xərclərə ayrılacaq vəsait də rekord həddə çatıb”.

Nigar Məmmədova

Oxşar xəbərlər

DİN BDYPİ-i “Siqnal” ili layihələrin icrasını mərhələli şəkildə davam etdirir

Aynur Camal

Daşqınlardan zərər çəkmiş ərazilərdən təxliyə edilənlərin sayı 14 minə çatdı

Bugün TV

Qran-Prinin müqavilə müddəti 2026-cı ilədək uzadıldı

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu