Bugun.tv xəbər verir ki, Fransa prezidenti Emmanuel Makron Rusiya prezidenti Vladimir Putinlə dialoqdan çəkinmək qərarının arxasında bəzi şəxsi səbəblər olduğuna dair ehtimalı təkzib edib.
“Şübhəsiz ki, mən onunla hamıdan çox danışan dövlətin başçısıyam”, – Makron France 2 televiziyasına deyib. “Burada şəxsi heç nə yoxdur. Mən bunun şəxsi olmasını istəmirəm, çünki bunun heç bir mənası yoxdur. Bu nə fantastika, nə roman, nə də serial deyil.”
O əlavə edib ki, Ukraynada münaqişə başlayanda Rusiya prezidenti ilə bir neçə dəfə telefon danışığı olub.
Bundan əvvəl Putin Fransa tərəfinin maraqlı olacağı təqdirdə Moskvanın Parislə təmaslara hazır olduğunu bildirib. Rusiya lideri əlavə edib ki, əvvəllər Fransa prezidenti ilə yaxşı işgüzar münasibətləri olub. Lakin Makron onları bitirməyi üstün tutub.
Müxbir Qaytən Qasımzadə
Mənbə tass