Dünya

Qəzzada qorxulu hadisə! Müvəqqəti liman zədələnib…

İsrailin soyqırımı altında olan Qəzzada ABŞ-ın qurduğu müvəqqəti üzən liman və limana dəstək verən 4 gəmi fırtına səbəbindən sürüklənib. Qapalı liman zədələnib.

İsrailin 2023-cü il oktyabrın 7-dən bu yana qeyri-insani qırğınlar silsiləsi ilə soyqırıma cəhd etdiyi Qəzza zolağından dünən narahatedici xəbərlər gəlib.

ABŞ-ın bölgəyə göndərdiyi humanitar yardım üçün qurduğu müvəqqəti limanın bəzi hissələri və limana dəstək verən 4 gəmi fırtına nəticəsində zədələnərək sahilə çıxıb.

Mövzu ilə bağlı ABŞ Mərkəzi Komandanlığından açıqlama verilib. Açıqlamada, cərəyanda tutulan 4 gəmidən 2-nin İsrail yaxınlığında sahilə çıxdığı bildirilib. Digər 2 gəminin yenidən müvəqqəti limana yaxın lövbər saldığı və hadisə nəticəsində xəsarət alan olmadığı qeyd edilib və “Müvəqqəti limanın tam funksionallığını qoruduğu” bildirilib.

Tikintisi 2 aydan çox vaxt aparan və təxminən 320 milyon dollara başa gələn müvəqqəti liman minə yaxın ABŞ xidmət personalı ilə mayın 17-də işə başlayıb. Digər tərəfdən Birləşmiş Millətlər Təşkilatı (BMT) 17 Maydan bu yana sözügedən limandan yalnız 97 yardım maşını qəbul etdiklərini bildirib.

Mənbə: TGRT

Aynur Camal

Oxşar xəbərlər

Qazaxıstanda parlament seçkiləri davam edir

Nigar Məmmədova

Sərnişin avtobusu yandı-FOTOLAR

Nigar Məmmədova

Atlar atlılarını atıb qaçdılar, qan gövdəyə çıxdı!

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu