-3 C
Baku
28 Fevral 2024, 3:30
Baş xəbərİdman

Qarabağda reqata idman yarışı keçirilib

Bugün.tv “Qafqazinfo”-ya istinadən məlumat verir ki, Avropa Kanoe Assosiasiyasının rəsmi təqvim planında yer alan “Mingəçevir Reqatası-2022” beynəlxalq turnirinə ilk dəfə Qarabağda start verilib. Suqovuşanda reqatanın təntənəli açılış mərasimi olub.

Tədbirin əvvəlində dövlət himni səsləndirilib. Ardınca iştirakçı ölkələrin təqdimatı olub. Açılışda çıxış edən Azərbaycan Kanoe və Avarçəkmə Federasiyasının (AKAF) baş katibi Fərhad Əliyev ölkəmizdə idmana göstərilən dövlət qayğısından danışıb və bildirib ki, AKAF işğaldan azad edilmiş ərazilərdə artıq ikinci beynəlxalq turnirini keçirir. İlk yarışa – may ayında keçirilən və Ümummilli Lider Heydər Əliyevin anadan olmasının 99-cu ildönümünə həsr edilən “Prezident Kuboku-2022”nin 1-ci mərhələsinə də Suqovuşan ev sahibliyi edib.   Gənclər və idman naziri Fərid Qayıbov işğaldan azad olunmuş ərazilərdə ilk dəfə məhz AKAF-ın təşkilatçılığı ilə beynəlxalq turnirin keçirildiyini qeyd edib: “Artıq ikinci dəfədir ki Suqovuşanda toplaşmışıq. Beynəlxalq turnirlərin təşkili Azərbaycan Prezidenti İlham Əliyevin tapşırığı ilə həmin ərazilərdə aparılan quruculuq işlərinin nəticəsində mümkün olub. Digər federasiya nümayəndələrinin açılış mərasiminə qatılması və birlik nümayiş etdirməsi sevindirici haldır”.

Turnirin birinci günündə Suqovuşanda kayak və kanoe üzrə 200 metr məsafəyə yürüşlər baş tutub. Reqatanın növbəti iki günündə yarışlar Mingəçevir şəhərindəki “Kür” Olimpiya Tədris-İdman Mərkəzində keçirilib. Avarçəkənlər 500 metr məsafədə kayak və kanoe, 500-1000-1500 metr məsafədə isə akademik növdə mübarizə aparıblar.

Yekun nəticələrə əsasən Azərbaycan komandası yarışı 5 qızıl, 11 gümüş, 10 bürünc olmaqla ümumilikdə 26 medalla başa vurub. Bu nəticə ilə idmançılarımız yalnız Türkiyə komandasından geri qalıb. Qalib idmançılar diplom və medallarla mükafatlandırılıblar.

Ümumi komanda hesabında Polşa akademik avarçəkmədə, Türkiyə isə kayak və kanoe növlərində qalib olub. Hər iki ölkənin təmsilçilərinə kubok və reqatanın rəmzi xatirə medalı təqdim edilib.

Qeyd edək ki, reqatada Azərbaycanla yanaşı, Türkiyə, Bolqarıstan, İtaliya, Gürcüstan, Macarıstan, Moldova, Polşa, Qazaxıstan, Rumıniya, Serbiya, Özbəkistan və Ukraynadan 150-dək idmançı iştirak edib.

Aynur Camal

Oxşar xəbərlər

Böyük partlayış: İkinci Dünya Müharibəsindən qalma bomba partladı

Aynur Camal

Sahibsiz bina yandı!

Bugün TV

İtaliya sahillərində immiqrantları daşıyan 2 qayıq batdı

Bugün TV

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu