Bugun.tv xəbər verir ki, qatil balina Lolita ABŞ-ın Mayami şəhərində 50 ildən çox əsirlikdə saxlandığı akvariumda, tutulduğu Sakit Okeana buraxılması planlaşdırıldığı halda ölüb.
“Tokitae” kimi tanınan Lolitanın saxlandığı Mayami Dəniz Akvariumundan verilən açıqlamada 57 yaşlı Lolitanın böyrək xəstəliyindən öldüyü bildirilib.
Açıqlamada Lolitanın son iki gündə ciddi narahatlıq əlamətləri göstərməyə başladığı və səylərə baxmayaraq müalicəyə reaksiya vermədiyi deyilib.
Qeyd edək ki, Lolita 1970-ci ildə 4 yaşında ikən tutularaq Mayami dəniz akvariumuna satılıb.
2022-ci ildən bəri ictimaiyyətə nümayiş olunmayan Lolita 6 metr dərinliyindəki çənin içində yaşayırdı.
