4 C
Baku
6 Dekabr 2022, 13:55
Baş xəbər

Qazaxıstanın nümayəndə heyəti Azərbaycana səfər edib

Qazaxıstanın nümayəndə heyəti Azərbaycana səfər edib.

Bugün.tv Elm və Təhsil Nazirliyindən əldə etdiyi məlumata əsasən, Qazaxıstanın aparıcı ümumi təhsil müəssisələrindən biri olan “Nazarbayev İntellektual Məktəbləri”nin nümayəndə heyəti ölkəmizdə səfərdədir.

Səfər çərçivəsində elm və təhsil naziri Emin Əmrullayev nümayəndə heyəti ilə görüş keçirib. Görüş zamanı “Nazarbayev İntellektual Məktəbləri” ilə Azərbaycanın ümumi təhsil müəssisələri arasında birbaşa əlaqələrin qurulması ətrafında fikir mübadiləsi aparılıb, bu barədə təkliflər səsləndirilib.

Nümayəndə heyəti həmçinin Bakı şəhərində yerləşən 20 nömrəli məktəb-lisey, Fizika, riyaziyyat və informatika təmayüllü lisey, Bülbül adına orta ixtisas musiqi məktəbi və Bakı Avropa Liseyini ziyarət edib. Görüşlər zamanı “Nazarbayev İntellektual Məktəb”ləri ilə yerli ümumi təhsil müəssisələri arasında əməkdaşlığın perspektivləri müzakirə olunub, təcrübə mübadiləsinin əhəmiyyəti vurğulanıb. Qonaqlar ümumi təhsildə həyata keçirilən “STEAM”, “Rəqəmsal bacarıqlar” layihələri barədə ətraflı məlumat əldə ediblər.

Azərbaycan Respublikasının Təhsil İnstitutunda da (ARTİ) qonaqlarla görüş keçirilib. Görüşdə Qazaxıstanın nümayəndə heyəti ARTİ ilə qarşılıqlı əməkdaşlıqda maraqlı olduqlarını ifadə edib.

Qeyd edək ki, oktyabrın 31-dən başlayan səfər bu gün başa çatacaq.

Oxşar xəbərlər

“Quş Əti, Yumurta İstehsalçıları və İxracatçıları Assosiasiyası” İctimai Birliyi Mətbuat gününə həsr olunmuş tədbir keçirib

Aynur Əfəndi Zadə

Bərdə terroru zamanı həlak olan 7 yaşlı Aysunun bacısı dünyaya gəlib

Nigar Məmmədova

Azərbaycan və Türkiyə müdafiə nazirləri arasında növbəti telefon danışığı olub

Aynur Camal