Bugun.tv xəbər verir ki, turistlər üçün qeyri-adi gecələmə məkanlarının sayına görə Fransa dünyada ilk sırada yer alıb.
Araşdırmada mağara, qala, ağac evləri, su üzərindəki evlər, külək dəyirmanları, mayaklar, yeraltı evlər və günbəzlər kimi fərqli yaşayış məkanları araşdırılıb.
Məlumata görə, Fransada bu kateqoriyalara daxil olan 2 940 yaşayış məkanı qeydə alınıb. Ölkədə 1 000-dən çox qala, 400-dən çox suüstü ev və 30 külək dəyirmanı turistlərin istifadəsinə təqdim olunur.
Siyahıda ikinci yeri ABŞ, üçüncü yeri isə İtaliya tutub. Braziliya və Kolumbiya ilk beşliyə daxil olub.
Avropada Fransa ilə yanaşı Böyük Britaniya və Yunanıstan da siyahıda yer alıb. Yunanıstan xüsusilə mağara tipli yaşayış məkanlarının çoxluğu ilə seçilib.
Mütəxəssislər turistlərin standart otel və mənzillərdən fərqli, daha yaddaqalan məkanlara marağının artdığını qeyd edirlər.
Mənbə: Euronews