25 C
Baku
27 İyul 2024, 7:19
Baş xəbər

Qırğızıstan Prezidenti Sadır Japarov ölkəmizdə rəsmi səfərdədir

Azərbaycan Respublikasına dövlət səfərinə gələn Qırğız Respublikasının Prezidenti Sadır Japarovun aprelin 24-də rəsmi qarşılanma mərasimi olub.

Hər iki ölkənin Dövlət bayraqlarının dalğalandığı meydanda Qırğızıstan Prezidentinin şərəfinə fəxri qarovul dəstəsi düzülmüşdü.

Azərbaycan Prezidenti İlham Əliyev Qırğızıstan Prezidenti Sadır Japarovu qarşılayıb.

Fəxri qarovul dəstəsinin rəisi Qırğızıstan Prezidentinə raport verdikdən sonra Prezident Sadır Japarov Azərbaycan əsgərlərini salamlayıb.

Dövlət başçıları fəxri qarovul dəstəsinin qarşısından keçiblər. Daha sonra Qırğız Respublikasının və Azərbaycan Respublikasının Dövlət himnləri səsləndirilib.

Azərbaycan nümayəndə heyəti Qırğızıstan Prezidentinə, Qırğızıstan nümayəndə heyəti isə Azərbaycan Prezidentinə təqdim olunub.

Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Qırğızıstan Prezidenti Sadır Japarovun qarşısından keçib.

Qarşılamanın sonunda dövlət başçıları rəsmi foto çəkdiriblər.

Mənbə: Prezident.az

Elnarə Dərziyeva

Oxşar xəbərlər

Müstəqillik dövrünün ən iri miqyaslı layihəsinə qeydiyyat davam edir- VİDEO

Aynur Camal

Berlin kinofestivalı 2024-cü il üçün münsiflər heyətinin sədrini seçdi

Aynur Camal

Türk Dövlətləri Təşkilatının (OTG) baş katibi Bakıya gəlib- FOTO

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu