Bugun.tv xəbər verir ki, yay mövsümünün gəlişi ilə Quba bazarında mövsümi meyvə-tərəvəz bolluğu müşahidə olunur. Bazarda diqqəti ən çox cəlb edən məhsullardan biri isə vaxtından əvvəl satışa çıxarılan qarpızlardır.
Əməkdaşımız, müxbir Sevindil Fətəliyev Quba bazarından hazırladığı reportajda alıcı və satıcıların bu məsələyə münasibətini öyrənib.
Alıcıların bir qismi hələlik qarpız almağa tələsmədiklərini bildirir. Onların sözlərinə görə, məhsulun tərkibində kimyəvi qatqıların olması və zəhərlənmə riski narahatlıq yaradır.
Piştaxta arxasında dayanan satıcılar isə məhsullarının təbii və keyfiyyətli olduğunu bildirərək alıcılara tam zəmanət verdiklərini deyirlər.
Beləliklə, bazarda vaxtından əvvəl satışa çıxarılan qarpızlarla bağlı fikirlər müxtəlif olsa da, erkən qarpız mövsümü davam edir. Seçim isə hər zamankı kimi alıcının ixtiyarındadır.
Sevindil Fətəliyev Bugün.Tv Quba