Türkiyə Prezidenti Rəcəb Tayyib Ərdoğan ABŞ Prezidenti Donald Tramp ilə telefon danışığı aparıb.
Məlumata görə, tərəflər regionda baş verən son hadisələri, xüsusilə də İran ətrafında elan olunan atəşkəsi müzakirə ediblər.
Rəcəb Tayyib Ərdoğan atəşkəsdən məmnunluğunu ifadə edərək bildirib ki, son 40 gündə dünya üçün olduqca çətin keçən prosesdən sonra yaranan iki həftəlik fürsət pəncərəsi qalıcı sülh üçün düzgün qiymətləndirilməlidir.
Türkiyə lideri vurğulayıb ki, bu prosesin pozulmasına imkan verilməməli və diplomatik səylər davam etdirilməlidir.
Ərdoğan, həmçinin Pakistan başda olmaqla dost və qardaş ölkələrlə birgə aparılan vasitəçilik təşəbbüslərinə Türkiyənin dəstəyinin artaraq davam edəcəyini qeyd edib.
Mənbə: TrtHaber